The Knight's Tale
Folio 26r
38 of 42 folios
And thanne wyth grene wood and spycerye
And thanne wyth cloth of gold and wyth perreye
An gerlandes hangynge wyth ful many a flour
The murre thencence wyth al so swete sauour
2075
Ne how arcite lay among al this
Ne what rychesse a boute his body is
Ne how that Emely as was the gyse
Put yn the fyr of funeral seruyse
Ne how she sowned whan men made the fyr
2080
Ne what she spak ne what was hir desyr
Ne what Ieweles men in the fyre cast
Whan that the fyr was gret and brent fast
¶ Ne how some cast hir shelde and some hir spere
And of hir vestimentz which that thei were
2085
And cuppes ful of wyn and melk and blood
In to the fir that brent as it were wood
Ne how the grekes wyth an huge route
Thries ryden al the fyr a boute
Vpon the lifte hande wyth a loude shoutyng
2090
And thries wyth hir speres clateryng
And thries how the ladyes gonne crye
And how that lad was homward Emelye
Ne how arcite is brent to asshen colde
Ne how that the lychewake was I holde
2095
Al thilke nyght ne how the grekes pleye
The wake pleyes ne kepe I noght to seye
Who wrastelyth best naked wyth oille enoynt
Ne who baar him best in no disioynt .
¶ I wol not tellen al how thei gon
2100
Hom to atthenes whan the pley is don
But shortly to the poynt then wol I wynde
And maken of my longe tale an ende
By proces and by leyngh of certayn yeris
Al stynt is the mornyng and the teeris
2105
Of grekes by oon general assent
Than semed me ther was a parlement
Atte atthenes vpon a certeyn poyn and cas
Amonge the which poyntes y spoken was .
To haue wyth certeyn contrees allyaunce