The Canon's Yeoman's Tale
Folio 219r
3 of 21 folios
By cause that I am a lewed man
Yit wole I telle hem as thei come to mynde
70
Thogh I ne kan nat set hem in hir kynde
As bole armonyak verdegres boras
And sundry vesselles maad of erthe and glas
Our vrynales and our descensories
Violes crosletz and sublymatories
75
Cucurbites and alembikes eke
And other swich dere ynow a leke
Nat nedeth for to reherce hem alle
Watres Rubifyyng and boles galle
Arsenyk sal armonyak and brymston
80
And herbes eke koude I telle many on
As Egremoyne valerian and lunarye
And othir swich yif that me list to tarie
Our laumpes brennyng bothe nyght and day
To bryng aboute our purpos yif we may
85
Our fourneys eek of calcinacioun
And of watres albificacioun
Vnslekked lyme chalk and gleyre of an eye
Poudres dyuerse asshes dung pisse and cleye
Sered poketz sal petre vitriole
90
And dyuers fires maad of wode and Cole
Sal tartre alkaly and sal preparat
And combust matiers and coagulat
Cley maad with hors or mannes her and oyle
O tartre alumglas berm / wort and argoyle
95
Risalger and other matiers embibyng
And eke of our matiers encorporing
And of our siluer citrinacioun
Our sementyng and frementacioun
Our Ingottes testes and many mo
100
¶ I wole yow telle as was me taught also
The iiij. spirites and the bodies seuene
Bi ordre as often herd I my lord neuene
The first spirit quyk seluer called is
The ijõ. Orpyment. the iijõ. I wis
105
Sal armonyak and the fourthe brymston
The bodies seuene eke lo hem here anon