The Multitext Edition > California, San Marino, Huntington Library MS. Ellesmere 26 C 9
The Merchant's Tale
Folio 115r
26 of 26 folios
Betħ war I prey yow / for by heuene kyng
Ful many a man / weneth to seen a thyng
1165
And it is / al another / than it semetħ
He þt mysconceyueth / he mysdemetħ
And with that word / she leepe doun fro the tree
¶ This Ianuarie / who is glad but he
He kisseth hir / and clippeth hir ful ofte
1170
And on hir wombe / he stroketh hir ful softe
And to his palays / hoom he hath hir lad
Now goode men / I pray yow be glad
Thus endeth heere / my tale of Ianuarie
God blesse vs / and his mooder Seinte Marie
¶ Heere is ended / the Marcħantes tale of Ianuarie ~