The Tale of Gamelyn
Folio 70v
24 of 24 folios
For and þou were maister ȝit I schulde haue wors
For to make schort tale and nouȝt to tarie longe /
He ordeyned him a queste of his men so stronge
The Iustice and þe scherreue boþe honged hye
880
To weyuen wiþ ropes and wiþ þe wynd drye
And þe .xij. sisours sorwe haue þat rekke /
Alle þey were hanged faste by þe nekke /
Thus ended þe fals knigħt wiþ his treccherie
That euer had I lad his lyf in falsnes and folye
885
He was hanged by þe nek and nouȝt by þe purs
That was þe meede þat he had for his fadres curs
Sire Ote was eldest and Gamelyn was ȝing
Þey wenten wiþ here freendes euen to þe kyng
They made pees wiþ þe kyng of þe best assise
890
The kyng loued wel sir Ote and made him Iustise
And after þe kyng made Gamelyn boþe in Est and west
Chef Iustice of al his fre forest
Alle his wighte ȝonge men þe kyng forȝaf here gilt
And sitthen in good office þe kyng hem haþ I pilt
895
Thus wan Gamelyn his lond and his leede
And wrak him of his enemys and quyt hem here meede
And sire Ote his broþer made him his heir
And siþþen wedded Gamelyn a wyf boþe good and feyr
They lyueden to gidere / whil þat crist wolde /
900
And siþen was Gamelyn grauen vnder moolde
And so schal we alle may þer no man fle
God bryng vs to þe Ioye þat euer schal be / AMEN