The Clerk's Tale
Folio 130v
29 of 32 folios
This is ynough Grisilde myn quod he
Be now no more agast ne yuel apayed
I haue thy faith and þy benignite
As wel as euer wōman was assayed
1055
In gret estate and propreliche arrayed
Now knowe I dere wyf þy stedefastnesse
And hir in armes took and gan hir kesse
And sche for wonder took of it no keepe
Sche herde not what þing he to hir sayde
1060
Sche ferd as sche had stert out of a sleepe
Til sche out of hir masidnesse abrayde
Grisild quod he by god þat for vs deyde
Thou art my wyf ne noon oþer I haue
Ne neuer had as god my soule saue
1065
This is my doughter which þou hast supposed
To be my wif þat oþer faithfully
Schal be myn heir as I haue ay purposed
Thow bar hem in þy body trewely
At Boloyne haue I kept hem priuely
1070
Tak hem agayn for now maistow not seye
That þou hast lorn noon of þy children tweye
And folk þat oþer weyes han seyd of me
I warn hem wel þat I haue doon þis deede
For no malice ne for no cruelte
1075
But for tassaye in þe þy wōmanhede
And not to slen my children god forbede
But for to kepe hem priuely and stille
Til I þy purpos knowe and al þy wille /
Whan sche þis herd . a swoned doū sche fallith
1080
For pitous ioy . and after hir swownyng
Sche bothe hir ȝonge children to hir callith
And in hir armes pitously wepyng
Embraseth hem and tenderly kissyng
Ful lik a moder with hir salte teris
1085
Sche bathis boþe hir visage and hir eeris
O such a pitous þing it was to see
O such a pitous þing it was to see
Hir swownyng and hir humble vois to heere ************** Running head here ???????????????