The Monk's Tale
Folio 362r
21 of 22 folios
He bad hire telle hym what it signefye
And sche his dreem bygan ryght thus expoūgne
665
The tre quod sche the galwis is to meene .
And Iubiter bitokenyth snow & reyn .
And Phebz with his towayle so cleene .
Tho been the sūnys stremys for to seyn .
Thow schat an hangede been fadyr certayn .
670
Reyn schal the wasche & soūne schal the dreye .
Thus warnede hȳ ful plat & ful pleyn .
His doughtyr which that callede was \Phanye ./
An hangede was Cresus the proude kyng
His royal trone myghte hȳ not a vayle
675
Tragedyis noon othir manere thyng
Ne can in syngȳge crye ne bewayle
But for that fortune alday wele assayle
With vn war strok the regnys that been proude
For whan men trustyth hire thāne wele sche \fay/le
680
And couere hire brighte face with a cloude
O . noble . O . worthy Petro glorie of Spayne
Whō fortune heel\d/ so highe in mageste
Weel oughtȳ men thȳ petous deth to cōpleyne
Out of thȳ land thȳ brothir made the fle
685
And aftyr at a sege by subtyletee
Thow were betraysed & lad vn to his tente
Wheere as he with his owene hand slow the
Succedȳge in thy regne & in thyn rente
The fe\ld/ of snow / with thee\g/le of bl\ak/ therin
690
Caugh with the lymerod colourede al with glede .
He brew this cursedenesse & al this sȳne
The wekede nest was werkere of this neede
Nought Charles / Olyuer that tok ay hede
Of trouthe & honor but of armoryke
695
Genyloū Olȳuer corrupt for meede
Broughte this worthi kyng to swich a bryke ~