The Multitext Edition > Cambridge University Library MS. Gg.4.2.7
The Clerk's Tale
Folio 259
30 of 30 folios
But on word lordȳgis herkenyth er I go
It were ful hard to fȳde now on dayis
1165
In al a toun Grysildis thre or two
For ȝif that thei were / put to swych a sayis
The gold of hem hā now so badde alayis
With bras that thogh the coyn be fayr at Iye
It wele rathere breste atwo thā plye
1170
For whicħ heere for the wyuys loue of bathe
Whos lyf & al hyre secte god meynteene
In higħ maystrye & ellis were it skathe
I wele with lusty herte frosch & grene
Sey ȝow a song to glade ȝow I wene
1175
And let vs stynte of ernest ful matiere
Herkenyth mȳ song / þt seyth in this manere