The Pardoner's Prologue & Tale
Folio 306v
4 of 16 folios
To kyndele & blowe the fyr of lecherye
That is annexed on to Glotenye
155
The holy writ take I to witnesse
That luxurye is in wȳ & dronkenesse
Lo how that dronkyn looth vnkyndely
Lay by his doughterys two on wityngely
So dronke he was he nyste what he wrouȝte
160
Herodes who so weel the storyis souȝte
Whan he of wyn was replet at his feste
Rygh at his owene table he ȝaf his heste
To slen the Baptist Ioħn ful gilteles
Senek seyth a good word douteles
165
He seyth he can no difference fynde
By twixe a man that is out of his mȳde
And a man which that is dronkelewe
But that wodnesse I fallyn in a schrewe
Perseueryth lengere thā doth dronkenesse
170
O glotenye ful of cursedenesse
O cause fyrst of oure confusyoū
O original of oure dampnacioun
Til Cryst hadde bought vs wt his blod a geyn
Lo how deere schortely for to seyn
175
Abo\u/ghte was thilk cursede vilanye
Corrup was al this world for glotenye
Adam oure fadyr & his wif also
From paradys to labour & to wo
Were dreuyn for that vice it is no drede
180
For whil that adam fasted as I rede
He was in paradys / & thil that he
Eet of the freut defendit of the tre
A non he was out cast to wo & pyne
O glotenye on the / wel ouȝte vs pleyne
185
O wiste a man how manye maladyis
Folewȳ of exces & of glotenyis
He wolde been the moore mesurable
Of his dyete syttynge at his table
Allas the schorte throte the tēdre mouth
190
Makyth that est & west & north & south