to contricioū is remembance of þe passioū þat oure lord ihū cist suffred
for oure synnes
¶ For as saiþ seint Bernard ¶ Whil þat I lyue I schal ha-
ue remembance of þe tauailes þat oure lord ihū cist suffred in perchinge
his
werynesse in tauaillynge . his temptacioūs whan he fasted his longe wa-
kinges when he payed his teeres when þat he wepte for pite of good pe-
ple
¶ Þe woo and þe schame and þe filthe þat men seyden to him ofte
foule spittyng þat men spitten on his face ¶ Of þe buffettes þat men ȝe-
uen him ¶ Of þe foule mouthes and of þe repreues þat men to him say-
den
185
¶ Of þe nayles wiþ þe whiche he was nayled to þe cros and of aƚƚ þe
remenaūt of his passioū þat he suffrede for my synnes and no þing for
his gilte
¶ And ȝe schuln vnderstonde þat in mannes synne is euery maner
ordre of ordinaūce turned vp so doun
For it is soþ þat god and resoū
and sensualite and þe body of man ben so ordeyned þat euerych of þise .
.iiij. þinges / schulde haue lordschipe ouer þat oþer
and þus god schulde haue
lordschipe ouer resoū and resoū ouer sensualite and sensualite ouer þe
body of man
¶ And soþly whan mā synneþ ; al þis ordre of ordinaūce
is turned vp so doū
190
¶ And þerfore þanne for as moche as þe resoū of man
wol nougħt be subget ne obeissant to god þat is his lord by rigħt ;
þerfore leeseþ it þe lordschipe þat it schulde haue in sensualite and eeke
ouer þe body of man
¶ And whi ¶ For sensualite rebelleþ þanne aȝein resoū
And by þat wey leseþ resoū his lordschipe ouer sensualite and ouer þe body
¶ For rigħt as resoū is rebelle to god Rigħt so is boþe sensualite rebel
to resoū and þe body also
¶ And certes þis ordinaūce and þis rebellioū
oure lord ihū cist aboughte vpon his percious body ful dere herkeneþ in
which wise
¶ For as meche þanne is resoun rebeƚƚ to god ; þerfore is man
worþi to haue sorwe and to be deed
195
¶ This suffred oure lord ihū for
man after þat he hadde be betrayed of his disciple and destreyned &
bounde so þat þe blood brast out at euery nayl of his handes as seiþ seint
Austyn
¶ And forþermore for as moche as resoū of man wol nought daunte
sensualite whenne it may ¶ Therfore is man worþy to haue schame and
þis suffrede oure lord ihū cist for man when þey spetten in his visage /
¶ And furþermore for as moche þanne as þe caytiff body of man is rebelle
boþe to resoū and to sensualite ¶ Þ erfore it is worþy þe deþ
¶ And þis suffred
oure lord ihū cist for man vppon þe crosse where as þer was no part of
his body fre wiþouten gret peyne and bitter passioū /
and al þis suffrede
ihū cist þat neuer forfeted ¶ To mechil am I peyned for þe same þinges
þat I neuer deserued and to mochil defouled for frendschipe þat man is wor-
þy to haue .