and nombred ¶ Ȝet naþeles þey þat ben dampned ben no þing in ordre
ne holden non ordre
145
¶ For þe erþe schal bere hem no fruyt
For as þe
prophē saiþ Dauid . God schal destruye þe fruyt of þe erthe as fro hem
Ne water schal ȝeue hem no moysture ne þe aier no refreissching . ne fuyr
no light
¶ For as saiþ seint Basile ¶ The brennyng of þe fuyr of þis
world schal god ȝeuen in helle to hem þat ben dampned
¶ But þe ligħt
and þe clernesse schal be ȝouen in to heuene to his children ¶ Right as
þe goode man ȝeueþ fleissh to his children and bones to his houndes
¶ And for þey schullen haue non hope to eschape saiþ Iob . at þe laste þt
þer schal horrour and grisly drede dwelle wiþouten ende
150
¶ Horrour is al-
way drede of harme þat is to come . and þis drede schal euere dwelle in þe
hertes of hem þat ben dampned ¶ And þerfore han þay lorne aƚƚ here ho-
pe for .vij. causes
¶ First for god þat is here Iuge schal be wiþoutē mercy
to hem . ne þey may nought please him ne non of his halwes ne þey may
ȝyue no þing for here raunsoū
ne þay haue no voys to speke to him . Ne
þey may nouȝt flee fro peyne . ne þay haue no goodnesse in hem þat þay
may schewe to delyuere hem fro peyne
And þerfore saiþ Saloñ ¶ The wik-
¶ Who so schame wel wolde vnderstande þese peynes and beþinke
him wel þat he haþ disserued þilke peynes for his synnes Certes he
schulde haue more talent to syke and to wepe . þen for to syngen and to
pleye
155
¶ For as seiþ Salamō ¶ Who so þat hadde þe science for to knowe
þo peynes þat ben establissched and ordeyned for synne ; he wolde ma-
ke sorwe .
þilke science as seiþ seint austȳ makeþ a man to weymenten
in his herte
¶ The .iiijõ . poynt þat oughte make a man haue contricioū
is þe sorweful remembaunce of þe good þat he haþ lost to doon heere in
erþe and eek þe good þat he haþ lorn
¶ Soþly þe goode werkes þat he haþ
lost ; eyþer þey ben þe goode werkes þat he wrougħt er he felle in to
dedly synne ¶ Or elles þe goode werkes þat he wrougħt whil he lay in
synne
¶ Soþly þe goode werkes þat he dide biforn þat he fylle in synne
ben aƚƚ mortefied and astonyed and dulled by þe ofte synnynge //
160
þ
oþer goode werkes þat he wroughte whiles he lay in synne þey ben
outerly deede as to þe lyff pardurable in heuene
¶ Þenne þilke goode
werkes þat ben mortefyed by often synnyng whiche goode werkes he
dide whiles he was in charite ne mowen neuere quyken aȝein wiþouten
verray penytence
¶ And þerof saith god by þe mouþ of Ezechieƚƚ þat is
þe rightful man retourne aȝein from his rightwisnesse and to wirche
wikkednesse schal he lyue nay .