god of his endeles goodnesse / hat set hem in high estat
or ȝeuyō hem wit strenthe / hele of body / beute prosper-
ite /
80
& boughte hē frō the deth with his herte blood
that they so onkendely a ȝens his gentilesse / quytȳ
hȳ so vileynly to slauthere of here owene soules ~
O goode god / the wemen that been of greet beu-
tee . remēbrith ȝow of the prouerbe of salomon / he seyth
& likkenyth a fayr woman / þt is a fol of hire body ; lik
to a ryng of gold / þt were in the groyn of a sowe /
For
rygh as a Sowe wrothith in eueryche ordure ; so wro-
tith sche hire beute / in stȳkȳge ordure of sȳne
The thredde cause þt oughte tomeue a man to cō-
trycioū ; is drede of the day of dome & of the hor-
rible peynys of helle /
85
For as seynt Ierom seith
At euery tyme that me remēbrith of the day of dome ;
I quake .
for whā I ete or drȳke or what so euere I do / euere
semyth me that the trūpe sounyth in mȳ ere .
Ryseth
ȝe vp that been dede / & comyth to the Iugement .
O
goode god meche ouȝte a man to drede / swich a Iuge-
ment / there as we schul been alle as seynt poule seyth
by fore the cete of oure lord Ihū Cryst
where as he schal
makyn a general congregacioū / where as no man may
Been absent /
90
for certis there auaylith non essoyne ne ex-
cusacioū /
And not only that oure fautis schuln ben Iugit .
but that alle oure werkis schuln opynly been knowe /
And
as seyth seynt Bernard / There ne schal no pledȳge auayle
ne no slyȝte / we schul ȝeue rekenȳge / of euery Idele wod
there schul we han a Iuge / þt may not ben disseyued
ne corupt / And why / For certis al oure thouȝtis been
discryued as to hȳ / ne for preyer ne for mede he schā
not ben corupt /
And therefore seyth salomon / the wre-
the of god ne wele not spare no wigħt / for preyere ne
for ȝifte / And therfore at the day of dome / there is nō
hope to escape /
95
Wherefore as seyth seynt Anselm ¶ Ful
gret angwisch schul the sȳful soulis haue at that tyme
there schal the sterne & wrothe Iuge / sitte a boue / & vn-
dyr hȳ the horryble pit of helle / opȳ to distroyen hem
that mot beknowȳ here sȳnys / whiche sȳnys opynly ben
schewid by forȳ god / & beforȳ euery cryature /