The Nun's Priest's Tale
Folio 190r
6 of 12 folios
Than euere Catoun / was / so moot I the
That al the reuers seyn / of his sentence
And han wel founden / by experience
That dremes ben / significaciouns
160
As wel of ioye / as tribulaciouns
That folk enduren / in this lyf persent
There nedetħ make of this / noon argument
The verray preeue / shewetħ it in dede
Oon of the grettest auctour
/ that men rede
¶ Tullius
165
Seitħ thus / þt whilom tweye felawes wente
On pilgimage / in a ful good entente
And happed so / þt they cam in a toun
Where there was swicħ / a congregacoū
Of peeple / and eke so streyt / of herbergage
170
That they ne founde / as moche as a cotage
In whic
ħ they myg
ħt
/ I logged be
There is a small cross next to this line. ODR
Wherfore they musten / of necessite
As for þt nygħt / departen compaignye
And ecħ of hem gootħ / to his hostelrie
175
And took his loggynge / as it wolde falle
That oon of hem was logged / in a stalle
Fer in a ȝerd / witħ Oxen of the plow
That oþer man was logged / wel y now
As was his auenture / or his fortune
180
That vs gouernetħ / as in comune
¶ And so bifel / þt longe or it was day
This man mette in his bed / þere as he lay
How þt his felawe / gan vp oon hī calle
And seide allas / for in an Oxes stalle
185
This nygħt I shal be mordred / þere I lye
Now helpe me dere brother / or I dye
In alle haste / come to me he seyde
This man out of his sleepe / for fere abreyde
But whan þt he was wakned / of his sleepe
190
He turned hī / & took of this no keepe
Hī thougħt his dreem / nas but a vanytee
Thus twyes in his
Corrected from: dreem/ sleepe /dreem/ sleepe / dre
med he
And at the thridde tyme / ȝet his felawe
Cam as hī þougħt / & seide / I am now slawe
195
Byholde my blody woundes / depe & wyde
Arys vp erly / in the morwe tyde
And at the west gate / of the Toun qd he
A Carte ful of donge / þere shalt þu se
In whicħ my body is hid / ful preuyly