The Franklin's Tale Folio 133v 17 of 18 folios
450
To mā nes sigħ t / that alle the Rokkes blake
Of Britaygne / were I voided euer ychon
And Shippes by the brynke / come and gon
And in swicħ fourme / endure / a day or two
Thanne were my brother warisshede / of his woo
455
Thanne must she nedes holden / hire byheste
Or ellis he shal shame hire / atte the leste
Vn to his brothers bed / he comen is
And swicħ confort / he ȝaf hī for to gon
460
To Orliens / that he vp stirte a noon
In hope for to ben lissed / of his care
But if it were / a two forlong
465
A ȝonge Clerk romyng
Whicħ that in latyn / thriftily hem grette
I knowe qd he the cause / of ȝoure comyng
And er they ferthere / any foote wente
470
He told hem al that was / in here entente
The whicħ that he had knowe / in olde dawes
And he answered hī / that they deede were
For whicħ he wepe ful ofte / many a teere
475
And witħ this Magicien / fortħ he is goon
Hom to his hous / and maden hē wel attese
Hem lakked no vitaille / that mygħ t hē plese
So wel arrayed hous / as there was oon
480
He shewed hī / er he wente to soupere
Forestes Parkes / ful of wylde dere
There saw he hertes / witħ here hornes heye
The grettest / that euer e was seyn / witħ eye
485
He saw of hem / an hundred slayn witħ houndes
And some witħ arwes blede / of bittere woundes
Theise faucons / vp on a fair Ryuere
That witħ here haukes / han the heroun slayn
490
Tho saw he knygħ tes / Iustyng
And after this / he dide hī swicħ plesaunce
That he hī shewed / his lady on a daunce
On whicħ / hī self he daunced / as hī thougħ t