as is þe schadow of deþe ;
Certes a schadowe haþe likenesse of þe þinge of whiche
it is schadow ; Bot þe schadowe is nouht þe same þinge of whiche it is schadowe
Riht so fareþ þe peyne of heƚƚ ; It is like deþe for þe angwysshe orrible And
whie ; For it peyneþ hem euere as þouhe men schold dyen anone ; Bot certes þei
schol not deye
140
¶ For as seiþ seint Gregorie to wrecched kaytifes schal be deþe wt
owten deþ And ende wiþ outen ende ; And defaute wt oute faileinge ;
For her
deþ schal alwey lyse ; And her ende schal euermore be ginne ; And her defaute
schal nouht faile
¶ And þere fore seiþ seint Ioħn þe Euangeliste ; Thei schal fo-
lowen deþ & þei schal nouht finden him ; And þei desiren to deye ; and deþ schal
flye fro hem ;
And Eke Iob seiþ ; þat in heƚƚ is none order of Reule
¶ And aƚƚ
be it so þat god haþe created al þinge in riht ordre & noþinge wt outen or-
der ; Bot al þinges bene ordeyned & nombred ; ȝete naþeles þei þat bue dāp-
ned bien no þinge in ordre ne holde no þinge in ordre .
145
For þe erþe schal ber
hem no fruyte .
For as þe prophet seiþe dd ; God schal destruye þe fruyte of
þe erþe as fro hem ; Ne water schal ȝeue hem no moystur ; ne þe eyer ne re-
frissheinge ; ne fir no lyht ;
For as seiþe seint Basile ; The birneinge of þe
fire of þis werlde schal god gif in heƚƚ to hem þat bu dampned ;
Bot þe liht
& þe clerenesse . schal be ȝouen in to heuen to his childerne ; Riht as þe good
man giffeþ flesshe to his childerne and bones to his hondes /;/
And for þei schol
haue none hope to escape seiþe Iobe ; Att þe laste ; þat þere schold orroure & gise-
ly drede dwel wiþ outen ende ;
150
Orrour is alwei drede of harme þat is to
cōme ; And þis drede schal euer dweƚƚ in þe hertes of hem þat bu dāpned
¶ And for þat haueþ þei lorne al her hope for vij. causes ;
First for god þat
is hir Iuge schal bue wiþ outen mercy to hem . Ne þei may not plese hī ne no
ne of his halowes ne þei maie ȝeue no þinge for hir Raunson ;
¶ And þere fore seiþe
Salomon þe wykked mān deyeþ ; And whan he is dede he schal haue no hope
to ascape fro peyne
¶ Who so schame wiƚƚ wele vnderstonde þes peynes &
be þinke him wele þat he haþe deserued þilke peynes for his sinnes ; Certes
he schold haue more talent to sike & to wepe ; þan for to singen & to pley ;
155
¶ For as seiþ Salomon . who so þat hadde þe science to knowe ; þe peynes
þat buen þat ystablisshed for sinne ; he wold maake sorwe
¶ þilke science
as seiþe seinte Austine . Makeþ a man to weyment in his herte
¶ þe ferþe
point þt ouhte maake a man haue contricion is þe sorwe ful remembrance
of þe goode þat he haþ lost to done her ī erþe ; And eke good þt he haþ lorne ;
Soþely þe goode werkes þt he haþ loste ; eyþere þei bien þe goode werkes þat
he haþ wrouht er he feƚƚ in to dedely sinne . or elles þe goode werkes þt he
wrouht while he laie in sinne ;
Soþely þe gode werkes þt he dide beforne
160
¶ þe toþer goode werke þat he wrouht whiles he ley in sinne ; þei bien vtt erly
dede as to þe lif pardurable in heuen
¶ þan þelke goode werke þat bien
mortified be oft sinynge ; Whiche good werkes he dide whiles he was ī
charite ; ne mowen neuere quyken aȝeine wt outen parfite penitence