seiþe ; Orrible deuels schal comen & gone vpon þe heuedes of daōp-
ned folk ; And þis is for also muche ; þe hiher þat þei were in þis per-
sent lif ; þe more schal þei buen abated & defouled in heÂ
¶ Aȝeine
þe riches of þis werld schal þe haue mysese of pouerte ; And þis po-
uert schal be four þinges .
in defaute of tresor ; of whiche dd seiþe þe
riche folke þat enbrasen & coueten in aƚƚ herte þe tresour of þis
werlde ; scholne slepe in þe slepeinge of deþe As no þinge schal þei
finden in al hir handes of hir tresor
120
¶ And more ouere þe misese of heƚƚ
schaƚƚ ben in defaute of mete & drinke ;
For god seiþ þus be Moyses ;
And ferþer ouere hir
mysese schal buen in defaute of cloþeinge ; for þei schal be nake in body
as in cloþinge ; saue þe fire in whiche þei birne ; & oþere felþes
& naked
schal þei bien in soule of al maner of vertues ; whiche þat is þe cloþe-
inge of soule /;/ wher bue þan þe gaie Robes & þe soft schetes & þe smale
schertes ;
Lo what seiþe god of hem be þe prophet ysaye ; þat vnder hem
schal be strewed mouhtes ; & her couertours schalbe of þe wermes of
heƚƚ .
125
And ferþer ouere hir mysese schalbe in defaute of frendes ; For
he is nouȝt pouer þat haþe goode frendes bott þere is no frende ;
For
neyþere god ne creature schaƚƚ be frende to hem ; And euery of hem schal
haten oþere wiþ dedeli hate ;
þe soñes of þe douhtern schal rebellen a-
ȝeines fader & moder & kinrede aȝeines kinrede ; & chiden and dispi-
sen iche of hem oþere boþe daie & nyht ¶ As god seiþe be þe prophete
Mechias ;
And þe loueynge childern þat whilom loued so fleschely euer-
yche oþere wolden eueryche of hem eten oþere if þei myht ;
For howe schold
þei louen hem to geder in þe peine of heƚƚ whan þei hateden eueryche
of hem oþere Eyþer in þe prosperite of þis lif
130
¶ For truste wele here flesche-
ly loue was dedely hate as seiþe þe prophete dd ¶ wo so þat loueþ wikked-
nesse ; he hateþ his soule ;
And who þat hateþ his owen soule ; certes he
may loue none oþer wight in no manere ;
And þerfor in heƚƚ is no frenschippe ;
Bot euer þe more Flessly kinred þat buen in heƚƚ ; þe more curseinge & þe
more chideinge þe more dedely hate þere is ymonge hem ;
And ferþer ouere þei
scholen haue defaut of al manere delices ; For whi þe delites bene þe Ap-
petites of þe five wittes ; as siht ; hereynge ; Sauereinge ; Smelinge ; & tou-
cheinge ;
Bot in heƚƚ her siht schal be ful of derknesse & smoke ; & ful of teres ;
And her hereinge ful of waymentynge & of grontinge of teþe As seiþ
ihū crist ;
135
her noseþrelles schal be ful of stinkinge stinke ; And as seiþe
Ysayas þe prophete . Her Sauereinge schal be ful of bitter gaƚƚ ;
And tou-
cheinge of hire body couerd wiþ fir þat neuer schal be quenched ; ād wiþ
And for
also muche as þei schol not wene þat þei mei deyen for peyne . & be hir
deþ flie fro peyne ; þat maie vnder stonde be þe worde of Iobe ; þt seiþ þere
as is þe schadow of deþe ;