The Franklin's Tale
Folio 291v
9 of 21 folios
And but sche wouchesaf in swich maneere
To graūte me myn souereyn lady deere
365
Preye hire to synke euery rokke a doovn
In to hire owene derke regioun
Vndyr the ground there pluto dwellyth Inne
Or neuere more schal I mȳ lady wȳne
Thy temple in delphos wil I barfoot seke
370
Lord phebus se the teris on myn cheke
And of myn peyne haue cōpassioū
And wt that word for sorwe he fel a doū
And long tyme helay / forth in a traūce
His brothir which that knew of his penaūce
375
Vp cauȝte hȳ / & to bedde hath hȳ brouȝt
Dispeyrede in this turnement & this thogħt
Lete I this woful creature lye
Chese he for me / where he wele leue or dye
Arueragus / wt heye & gret honour
380
As he that was of chyualrye the flor
Is comyn hō & othere worthy men
O blysful art tow now thow Dorigeoū
That hast thȳ lusty husbonde in thyne armys
The frosche knyȝt the worthi man of armys
385
That louyt the as his owene hertis lyf
Noth\i/ng luste hȳ to be ymaginatyf
Ȝif ony wight hadde spoke whil he was oute
To hire of loue he hadde of it no doute
He not entendyth to no swich matere
390
But daūcith Iu styth makyth hire good cher
And thus in Ioye & blysse I leete hē dwelle
And of the sike Aurelyus I wele ȝow telle
In langure & in turnemen furyus
Two ȝeer & moore lay lay wreche aurelyus
395
Er ony foote he myȝte on erthe goon
Ne confort in this tyme ne hadde he noon
Saue of his brothir which that was a clerk
He knew of al this wo & al this werk
For to noon othir creature certeyn
400
Of this matere he durste no word seyn