The Multitext Edition > Cambridge University Library MS. Gg.4.2.7
The Pardoner's Prologue & Tale
Folio 306r
3 of 16 folios
Here begynnyth the Pardoūner his tale
135
IN flanderys whilhom dwellede a cumpaynye
Of ȝonge folk that haūtedȳ folye
As ryot hasard stewys & tauernys
Where as with harpys lutys & geternys
They daūce & pleye at deis bothe day & nyght
140
And ete & drynke also ouyr here myȝt
Thorr whiche they don the deuyl sacryfise
With inne that deuyƚƚ tēple \ ī/~ cursede wyse
By superfluyte / abominable
Here othis been so greete & so dampnable
145
That it is gresely for to here hē swere
Oure blyssede lordis body they to tere
Hem thouȝte that Iewis rente hȳ not I nough
And eche of hem atotherys sȳne lough
And thāne ryȝt a non / comyn Tumbesteris
150
Fetyse & smale & ȝynge frutesteris
Syngeris with harpis / Baudis wafereris
Whiche been / the werray devill offiscrys