The Tale of Sir Thopas
Folio 210r/216r
5 of 6 folios
Of on þat schon ful brigħt
Do come he seyde myne menstrales
And gestours for to telle vs tales /
Of Romances þat ben realles /
Of popes and of Cardynalles /
They fette him ferst þe swete wyn
140
\And made eek ī a mass/
And lycoryus and eek comyn
145
He dede next his white leere
Of cloþ of lake fyn and clere
A breche and eek a scherte
And next his scherte an aketoun
And ouer þat an habergoun
150
For persyng of his herte
And ouer þat a fyn hauberk
Was al y wrought of Iewes werk
Ful strong it was of plate
And ouer þat his cote armure /
155
As whyt as is a lyly flour
His schelde was al of gold so red
And þer Inne was a boores heed
A charbokil him \bi his syde/ besyde
160
And þer he swore on ale and breed
That þe geaunt schulde be deed
His Iambes were of quyrboyly
His swerdes scheþe of yuory
165
His helme of latoun brigħt
His sadel was of ruel bon
His bridel as þe sonne schon
His spere was of fyn Cypres