The Prioress' Tale
Folio 211v/210v
7 of 7 folios
¶ Êílogë ¶ Domiñe deūs noster
O lord oure lord þin name how merueilous
Is in þis large word y spredde quod she
For nought only þyn laud precious
Parfourned is by men of dignite /
5
But by þe moutħ of children þin bounte
Parformed is for on oure brest soukynge
Som tyme schewen þey þin heryynge
¶ Wherfore in laude as I can best or may
Of þe and of þe white lyly flour
10
Which þat þe bar and is a mayde alwey
To telle a story I wol don my labour
Nougħt þat I may encrece hire honour
For sche hireself is honour and þerto roote /
Of bounte next hire sone of soules boote
15
¶ O mooder mayde O mayde moder fre
O busch vnbrent brennyng in moyses sigħt
That rauyscheþ doun fro þe deytele
Þurgħ þin humbles þe gost þat in þe aligħt
Of whos vertu whan he in þin herte aligħt
20
Conceyued was þe fadres sapience
Help me to telle it in þin reuerence
¶ Lady þin bounte and þin magnificence
Þin vertu and þin gret humilite
Ther may no tonge expresse in no science
25
For som tyme lady er men preye to þe
Þou gost biforn and þin benignite
And getest vs to ligħt þurgħ þin prayere