The Squire's Tale
Folio 122r
13 of 16 folios
Myn herte qd on / is eueremo in drede
205
I trowe some men of armes / ben there Inne
That shapen hem / this Citee for to wynne
It were rigħt good / that al sucħ thyng were knowe
An other rouned / to his felawe lowe
And seide he lyetħ / for it is rather lyk
210
An apparence I made / by some magyk
As iogeloures pleyen
/ at thise grete
There is a cross in ink in the right margin.ODR
Of sondry doutes / thus they Iangle & trete
As lewede peeple demen / comunely
Of thynges that ben made / more subtily
215
Than they can / in here lewednes comprehende
They demen gladly / to the baddere ende
¶ And some of hem wondred / on the Mirour
That borñ was vp / vn to the maister Tour
How men mygħt in it / swicħ thynges se
220
A nother answered & seide / it mygħt wel be
Naturely / by composicioūs
Of anglys / and of sligħ reflexioūs
And seiden / that in Rome / was swicħ on
They spoken of Alocen / and vitulon
225
Of Aristotle / that wretyn in here lyues
Of queynt Miroures / and of perspectyues
As knowen they / that han here bokes herd
And other folk / han wondred on the swerd
That wolde percen / thurgħ out euery thyng
230
And feln in speche / of Thelophus the kyng
And of Achilles / for his queynt spere
For he coude witħ it / bothe hele and dere
Rigħt in swicħ gise / as men moun witħ the swerd
Of whicħ rigħt now / ȝe han ȝoure seluen herd
235
They speken of sondry hardyng / of metal
And speken of medicynes / ther witħ al
And how & whāne / it shulde I harded be
Whicħ is vnknowe / algates vn to me
Tho speken they / of Canaces ryng
240
And seiden alle / that swicħ a wonder thyng
Of craft of Rynges / herd they neuere non
Saue that he Moyses / and kyng Salamon
Hadden a name of konnyng / in swicħ art
Thus seitħ the peeple / & drawen hem a part
245
But nathelees some seiden / that it was
Wonder to make / of Fern asshen / glas
And ȝet is glas / nougħt lyke asshen of fern