The Squire's Tale
Folio 122v
14 of 16 folios
And for they han I knowen it / so ferñ
Therfore cessetħ here iangelyng / & here wonder
250
As sore wonder some / on cause of thonder
On ebbe and flode / on gossomer & on myst
And on alle thynge / til þt the cause is wist
Thus iangle they / & demen & deuyse
Til that the kyng / gan fro the bord arise
255
¶ Phebus hatħ lost / the angle mediornal
And ȝet ascendyng / was the bestes roial
The gentil leoū / witħ his aldiran
Whan that this tartre kyng / Cambyuscan
Ros fro his bord / there as he sat ful heye
260
Bifore hī gotħ / the loude mynstralcye
Til he come to his chambre / of parementz
There as there sounen / diuerse Instrumentz
That it is like an heuene / for to here
Now dauncen lusty venus / children dere
265
For in the fissħ / here lady sat ful heye
And loketħ on hem / witħ a frendlicħ eye
This noble kyng / is set vp on his Trone
This straunge knygħt / is to hī fet ful sone
¶ And on the daunce he gotħ / witħ Canacee
270
Here is the reuel / and the Iolitee
That is nat able / a dul man to deuyse
He must han knowen loue / and his seruyse
And ben a feestlicħ man / as fressħ as May
That shulde ȝow deuysen / swicħ a ray
275
Who coude telle ȝow / the forrme of daunces
So vncoutħ / and swicħ fressħ countenaunces
Swicħ subtil lokyng / and dissimulynges
For drede / of gelous mēnes aparceyuynges
Noman but launcelot / and he is ded
280
Therfore I passe / of al this lustied
I sey nomore / but in this Iolynesse
I lete hem / til men to the Soper dresse
The Styward / bit spices for to hye
And eke the wyn / and al this melodye
285
The vsshers / and the Squyery is gon
The spices and the wyn / is come anon
They ete & drynke / and whan this had an ende
Vn to the temple / as resoū was / they wende
¶ The seruyse don they / & soupen al be day
290
What nedetħ to ȝow / rehercen Corrected from: hereheereheere / here array
Eche man wot wel / that a kynges fest
Hatħ plentee to the meest / and to the leest