pisse ; ȝet wil he heue vp his leg and make a countenaūce
to pisse .
785
and for þat many man weneth he may not synne for
licorousnes þat he doth with his wif ; Certis þat oppinioū
is fals . God wot a man may sle himself wiþ his owne knyf
and make himself dronke of his oughne tonne
¶ Certis be
it wif or child or eny worldly þing þat he loueth biforn god
it is his maumet and he is an ydolastre .
man schulde loue
his wyf by discrescioun paciently and attemperelly . and þāne
is sche as it were his suster
¶ The fyfte fynger of þe deue-
les hond is þe stynkynge dede of leccherie
¶ Certes þe fyue
fyngres of glotonye þe deuel put in þe wombe of a man .&
his fyue fyngres of lecchery bygripeth him by þe reynes for
to þrowe him in to þe fourneys of helle .
790
þere as þey schuln
haue þe fuyr . and þe wormes þat euer schal lasten . and we-
pyng and wayling scharp hunger and þurst . grislines of de-
ueles þat schul alto tere hem wiþoute respit and wiþouten
ende
¶ Of leccherie as I sayde sourdrē diuers spices of forni-
cacioū þat is bitwen man and wōman þat been nouȝt maried
and þis is dedly synne and against nature
al þat is enemy
and destruccioū to nature .
par fay þe resoun of a man telliþ
him wel þat it is dedly synne / For als moche as god forbad
leccherie and seint poule ȝeuith hem þat regne þat is due to
no wigħt but hem þat doon synne dedly
¶ Anoþer synne
of lecchery is for to bireue a mayden of hir maydenhede /
for he þat so doþ ; Certes he casteth maydenhede out of the
heighest degre þat is in þe persent lif
795
and bireuith hir þilke
precious fruyt þat þe book clepith þe hundrid fruyt . I can ȝe-
ue it noon oþer name in englisch . but in latyn it is I cleped .
Centesimus fructë scdm Ierouiniū contra Iouinianū
¶ Certes he
þat so doth is cause of many harmes and vilenyes mo þan
eny man can rekene . Right as he som tyme is cause of alle
þe damages þat bestis doon in þe feeld þat brekith þe hegge
or þe closure þurgh which he destroyeþ þat may not be resto-
red ;
for certes no more may maydenhode be restored þan an
arm þat is smyten fro þe body retourne agayn to waxe .
sche
may haue mercy þis wot I wel if sche do penitence but neuer
schal it be þat sche nas corrupt
¶ And al be it so þat I haue
spoke som what of aduoutre ; ȝit is it good to speke of mo