loueden so fleisschliche euerych oþer ; wolden euerych of hem
eten oþer if þay miȝten .
for how schulden þay louen hem to-
gider ī þe peyne of helle ; whan þay hated euerych of hem oþer
in þe prosperite of þis lif .
130
For trustiþ wel her fleisshly loue
was dedly hate as saiþ þe propħe dauid . who so þatloueth***********************************
And who so hatiþ his oughne
soule certis he may not loue noon oþer wight ī no maner
¶ And þerfore in helle is no solace ne frendschipe . but euer
þe more flesshly kynredes þt ben in helle ; þe more cursyng
þe more chydynges and þe more deedly hate þer is amōg
hem
¶ And forþer ouer þay schul haue defaute of aƚƚ ma-
nere delices ¶ For certis delices ben þe appetites of þy fyue
wittes as sight hieryng . smellyng . sauoring and touching
¶ But ī helle here sight schal be ful of derknesse . and of
smoke and þerfore ful of teeris . and her hieryng ful of way-
mentȳge and of gruntynge of teeth as saiþ ihū crist //
135
her
nose þurles schuln ben ful of stynkyng stynk . and as saith
ysaye þe prophete ¶ Here sauoringe schal be ful of bitter gal-
le .
and touchyng of al here body y couered wiþ fuyr þt
neuer schal quenche / and wiþ wormes þat neuer schuln
deyen as god saiþ by þe mouþ of ysaie
¶ And for also
moche as þay schuln nouȝt / wene þat þay may deyen for
peyne . and by here deth fle fro peyne . þat may þay vn-
derstonde ī þe word of Iob / þat saiþ ¶ Ther as is þe scha-
dow of deth
¶ Certes a schadow haþ þe liknesse of the
þing of which it is a schadow .
Right so fareth þe peyne
of helle . it is lik deþ . for þe horrible anguisshe . And why ;
For it peyneþ hem euer as though mē scholden deye anon .
But certes þay schul not deye .
140
For as saith S . GerGer ¶ To
wrecchid caytifs schal be ȝiue deth wiþoute deth and ende
wiþoutē ende // and defaute wiþoutē faylinge .
For here
deth schal alway lyuen . and here ende schal euermore by-
gynne . and here defaute schal not fayle
¶ And þerfor saiþ
Seint Iohñ þe euangelist ¶ Þay schul folwe deþ . and þay
schuln nouȝt fynde him . and þay schul desire to deyen
And deth schal flee fro hē .
and eek Iob . saiþ . þat ī heƚƚe
is noon ordre of rule
¶ And al be it þat god haþ creat
al þing in right ordre and no þing wiþoute ordre . but