The Tale of Sir Thopas
Folio 324v
4 of 4 folios
Of romaūcis that been royalis
140
They fette hȳ fyrst swete wyn
Of gynge breed that was ful fyn
145
With sugere that is trye
He dede next his white lere
Of cloth of lake fyn & cleere
And next his schirte an aketoū
150
And ouyr that an hābyrioū
For persynge of his herte
And ouyr that a fyn hauberk
Was al I wrouȝt of Iewys werk
Ful strong it was of plate
155
And ouyr that his coote armour
As whit as is a lylye flour
Hese shild was al of gold so red
And there in was a borys hed
160
A Charbokele by his syde
And there he swor on ale & breed
How that the Ieaūt schulde be deed
Hise Iambieux were of quyrboyly
165
His swerdys schede of yuory
Hise helm of latoun bryit
His sadil was of rewel boon
His brydyl as the sūne It schon
170
His spere was of fyn cipres
That biddyth werre & no thyng pees
The hed ful scharpe Igroūde
Hise steede was of dapil gray
It goth an ambil in the way
Lo lordȳgis myne here is a fyt
If ȝe wele ony moore of it
180
Now holdyth ȝoure mouth for charyte
And herkenyth to mȳ spelle
And of ladyis loue drewery
185
A noon I wele ȝow telle
Men spekyn of romaūcis of prys
Of sire lybeus & playndamor
190
But sire Thopas beryth the flor
His goode stede al he be strod
And forth vp on his weye he glod