The Pardoner's Prologue & Tale
Folio 312v
16 of 16 folios
That may assoyle ȝow bothe more & lasse
Whan that the soule schal frō the body passe
I rede that oure ost here schal begynne
For he is most enuolupid in sȳne
615
Come forth sere ost & offere herere a non
And thow schat kysse myne relykys euerychoon
Ye for a groote vnbokele a noon thyn pors
Nay nay quodd he / thāne haue I crystis curs
Lat be quod he it schal nat be so theech
620
Thow woldyst make me to kisse thȳno olde brech
And swere it weere a relike of a seynt
They it were with tyn fundement depeynt
But by the cros that seynt elyne fond
I wolde I hadde thyne colyoūnys in myn hond
625
In stede of relikys or of seyntewarye
Let kutte hē of I wele from the hē carye
They schul been schrynyd in an hoggis tord
This pardouner answerde nat a word
So wroth he was he wolde no word seye
630
Now quod oure ost I wele no lengere pleye
With the ne with noon othyr angery man
But rygh a noon the worthy knygh be gan
Whan that he saw that al the peple lough
Na moore of this for it is ryght I nough
635
Sire pardoneer be merie & glad of cheere
And sere ost that been to me so deere
I preye ȝow that ȝe kysse the pardoūneer
And Pardoūner I preye the drawe the neer
And as we dede lat vs laughe & pleye
640
Anon they kyste & rede forth here weye
Here endith the pardoneeris tale