The Man of Law's Tale
Folio 208r
24 of 29 folios
He bryngith hire to rome & to hise wyf
He ȝaf hire & hire ȝonge sone also
And with þe senatour sche ledde hire lyf
Thus can oure lady brȳgyn out of wo
880
Woful custaūce & manye a noþer mo
And long tyme dwellede sche in þt plase
In holye werkys euere as was hyre grace
The senatourys wyf hyre aūte was
But for al þt sche knew hyre neuere þe more
885
I wele no lengere taryen in þis cas
But to kyng alla which I spak of ȝore
That for hise wyf wepede & syghede sore
I wele retorne & lete I wele Custaūce
Vndyr þe senatourrys gouernaūce
This senatourys wif hyre aūte was
But for al þt sche knew hyre neuere þe more
I wele no lengere taryen in þis cas
But to kyng alla which I spak of ȝore
That for his wyf wepith & sykyth sore
I wele returne & lete I wele custaunce
Vndyr þe senatourys gouernaūce
890
Kyng Alla wich þt hadde hise modyr slayn
Vp on a day fil In swich repentaūce
That ȝif I schortely schulde telle & playn
To rome he comyth to receyue hese penaūce
And putte hȳ in þe popis ordenaūce
895
In high & logh & Ihū cist be souȝte
Forȝeue hise wikke werkis þt he wrouȝte
The fame a non þor rome toū is born
How Alla kyng schal come in pilgrymage
By herberiourys þt wentyn here be forn
900
For which þe senator as was þe vsage
Rod hȳ a geyn as was þe vsage
As wel to schewȳ his magnificence
As to don any kyng a reuerence