The Multitext Edition > Cambridge University Library MS. Gg.4.2.7
The Knight's Tale
Folio 174r
59 of 60 folios
Than whan his name apeyred is for age
2190
For al forgetyn is his wasseyllage
Thāne is it best as for a worthi fame
A man to deye whan he is best of name
The contrarie of al this is wilfulnes
Why groche we why haue we heuynes
2195
That goode arcite of chyualrye flor
Departid is wt deyute & honour
Out of þis fōule prysoun of þis lyf
Why grochyn here his cosyn & his wif
2200
Can he hē thank nay god wot neuere adel
That boþe hese soule & ek hȳ self offende
And ȝit þey mowe here lustis not amende
What may I conclude of þis longe serye
But aftyr wo I rede vs to be merye
2205
And thankȳ Iupiter of al hese grace
And er þt we departe frō þis place
I rede we make of sorwys too
O parfyt Ioye lastynge eueremo
And lokyth now wxxx xxxxx xxxxx xx xxx xxxx