The Knight's Tale
Folio 160r
31 of 60 folios
That on puella that othir Rubeus
This god of armys was arayed thus
A wolf there stod be forn hȳ at hese fet
1190
With eyȝyn rede & of a man he et
With sotyl pensel was depeyntid þis story
In redoutynge of mars & of hese glorye
Now to the tēple of dyane the chaste
As schortly as I can I wele me haste
1195
To telle ȝow al the discripcioū
Depeyntid ben the waƚƚ vp & doun
Of huntyng & of schamfast schastite
Ther saw I how woful Calistope
Whan that dyane agreuyd was wt here
1200
Was turnyd frō a woman til a bere
And aftyr was sche mad the lode sterre
\That shynyth in the hevȳ / frō yow so ferre/
Here sone is ek a sterre as men may se
There saw I dane I turnede til a tre
1205
I mene not the goddesse dyane
But PennyĆ« douȝtyr whiche that hyȝte dane
There saw I. Attheon / an hert I makid
For vengaūce that he saw dyane al nakyd
I saw how that hese houndis hā hym caut
1210
And fretyn hȳ for that þey knewe hȳ not
Ȝit peyntid was a lityl ferþere more
How atthalaunte huntid þe wilde bore
And Melyagre & manye a noþer mo
For whiche diane wrouȝte hȳ care & wo
1215
There saw I manye a noþer wondir story
The wheche me lyste not drawe to memory
This g\o/ddesse on an hxxx / wol hye set
With smale hundys / al aboute here fet
And vndirnethe here fet / sche hadde a mone
1220
Waxinge it was & schulde wanye sone
In gaude grene here statue clothede was
With bowe in hond & arwis in acas