the dogħtren / shullen rebellen / agayns fader and mooder and kynre-
de agayns kynrede / and chiden and despisen / euerich of hem oother
bothe day and nygħt. as god seith / by the prophete Michias
¶ And the
louynge children / that whilom loueden so flessħly euerich oother / wol-
den euerich of hem / eten oother if they mygħte /.
for how sholden they loue
togidre in the peyne of helle / whan they hated ech of hem oother in the
prosperitee of this lyf
130
¶ For truste wel / hir flesshly loue / was deedly hate /
as seith the prophete Dauid ¶ who so that loueth wikkednesse / he hateth his
soule /.
and who so hateth his owene soule / certes / he may loue noon oother
wigħt in no manere /.
and therfore / is no solas / ne no freendshipe / but
euere / the moore flessħly kynredes / that been in helle /. the moore cursynges /
the moore chidynges / and the moore deedly hate / ther is among hem ;
¶ And forther ouer they shul haue defaute of alle manere delices /. for certes
delices / been after the appetites of the .v. wittes /. as sighte /. herynge . smel-
lynge /. Sauorynge /. and touchynge /.
But in helle / hir sigħte shal be ful of
derknesse and of smoke . and therfore / ful of teeres /. and hir herynge / ful
of waymentynge / and of gryntynge of teeth / as seith Ihū crist.
135
hir nose-
thirles shullen be ful of stynkynge stynk /. And as seith Ysaye the prophe-
te /. hir sauoryng shal be ful of bitter galle /.
and touchynge of al hir
body / ycouered with fir that neuere shal quenche / and with wormes that
neuere shul dyen / as god seith / by the Mouth of Ysaye /.
And for as mu-
che as they shul nat wene / that they may dyen for peyne / and by hir deeþ
flee fro peyne / that may they vnderstonden by the word of Iob /. that seith /
ther as is the shadwe of deeth
¶ Certes a shadwe / hath the liknesse of
the thyng. of which it is shadwe /. but shadwe is nat the same thyng
of which it is shadwe
¶ Rigħt so fareth the peyne of helle / it is lyk deeth
for the horrible angwissħ /. and why ; for it peyneth hem euere / as thougħ
they sholde dye anon / but certes / they shal nat dye
140
¶ For / as seith Seint Gre-
gorie ¶ To wrecche caytyues / shal be deeth with oute deeth / and ende with
outen ende / and defaute with oute failynge /
for hir deeth / shal alwey lyuen /
and hir ende / shal eueremo bigynne / and hir defaute shal nat faille
¶ And
therfore
/ seith Seint Io
ħn the Eu
angelist
/. They shullen folwe deeth
/ and they
shul nat fynde hym
/. and they shul desiren to dye
/ and deeth shal flee fro h
ē
¶ And eek Iob seith / that in helle is noon ordre of rule /.
and al be it so that god
hath creat alle thynges in rigħt ordre / and no thyng / with outen ordre / but
alle thynges / been ordeyned and nombred /. yet nathelees / they that been ~
dampned / been no thyng in the ordre / ne holden noon ordre /.
145
for the erthe ~
ne shal bere hem no fruyt
¶ For as the prophete Dauid seith ¶ god shal destroie
the fruyt of the erthe / as fro hem / ne water / ne shal yeue hem no moistu-
re /. ne the Eyr no refressħyng. ne fyr no ligħt
¶ For as seith seint Basilie
¶ The brennynge of the fyr of this world / shal god yeuen in helle / to hem þt
been dampned /.
but the ligħt / and the cleernesse / shal be yeuen in heuene
to hise children /. rigħt as the goode man / yeueth flessħ to hise children ~
and bones to his houndes /.
And for they shullen haue noon hope to escape
seith seint Iob atte laste ¶ that ther shal horrour and grisly drede / dwel-
len with outen ende /.
150
Horrour / is alwey drede / of harm that is to come /
and this drede shal euere dwelle in the hertes / of hem that been dampned /
and therfore / han they lorn al hir hope / for .vij. causes