The Knight's Tale
Folio 36v
26 of 35 folios
¶ Tho cam this wooful Theaban / Palamoū
With flotry berd / and ruggy asshy heres
2020
In clothes blake / I dropped al with teres
And passyng othere / of wepyng / Emelye
The reufullest / of al the companye
And in as meche / as the seruyse shuld be
The more noble / and riche in his degree
2025
Duke Theseus / let forth the steedes bryng
That trapped weren / in stele al glet eryng
And couered with the Armes / of daun Arcite
Vp on the steedes / grete and whyte
There seten folk / of which on bar his shelde
2030
A nother his spere / vp on his hondes helde
They bar with hī / his bowe Turkeys
Of brend gold was the caas / & eke the harneys
And riden forth a paas / with sorweful chere
Toward the Groue / as ȝe shuln after here
2035
The noblest of the Grekys / that there were
Vp on here shuldres / carieden the bere
With slakke paas / and eyen rede and wete
Thorugħ ouȝt the Citee / by the maister strete
That spred was al with blak / and wonder hye
2040
Rygħt of the same / is the strete I wrye
¶ Vp on the rigħt hand / went old Egeus
And on that other side / Duke Theseus
With vesseles in here handes / of gold ful fyne
Al ful of hony / melk / Blod / and wyne
2045
Eke Palamoū / with ful gret companye
And after þ þ cam / wooful Emelye
Witħ fir in hand / as was þt tyme the gyse
To do the offise / of Funeraƚƚ seruyce
¶ Heigħ labour / and gret apparaillyng
2050
Was at the seruice / and the fir makyng
That with his grene top / the heuene laugħt
And xx i / fadome of brede / the armes straugħt
This is to seyn / the bowes were so brode
Of stree first / there was leid many a lode
2055
¶ But how the fire / was maked vp on heigħt
Ne eke the names / how the trees higħt
As Oke fir / Birche / Aspe / Alder / holm / Popler
Wylew / Elm / Plane / Assħ / Box / Chesteyn / lynde / laurer
Mapul / Thorñ / Beche / hasel / Ew / whippeltre
2060
How they were feld / shal nat be told for me
¶ Ne how the goddes / ronnen vp and doun
Disherited / of here habitacioū /