The Knight's Tale
Folio 27v
6 of 35 folios
But Penneus dougħter / whicħ þat higħt Dane
There saugħ I Atheoū / an hert I maked
For vengeaunce þt he saugħ / Dane al naked
I saw how þt hise houndes / han hī caugħt
1210
And fretyn hī / for þt þei knew hī naugħt
Ȝet peynted was / a litel forthermore
How Atthalaunce / honted the wylde bore
And Meleagre / and many an other moo
For whicħ / Diane / wrouȝt hē care and woo
1215
There saw I many a noþer / wonder story
The whicħ me list nat drawe / to memory
This goddesse on an hert / ful heye sette
With smale houndes / al a boute hire fete
And vndirnethe hire feet / she had a Mone
1220
Waxyng it was / & shulde vanysshe sone
In gaude grene / hire stature clothed was
With bow in hond / and arwes in a cas
Hire eyen cast she / ful lowe a doun
There Pluto hath / his derke regioū
1225
A wōman tauaillyng / was hire biforñ
But for hire child / so longe was vn borñ
Ful pytously lucyna / gan she calle
And seide help / for þu maist best of alle
Wel coude he peynt lifly / that it wrougħt
1230
With many a floreyn / he the hewes bougħt
¶ Now ben theise lystes mad / and Theseus
That at his gret cost / arrayed thus
The temples / and the teatre euery dele
Whan it was don / hī liked wonder wele
1235
But stynte I wyl / of Theseus a lyte
And speke of Palamoū / and of Arcite
¶ The day approcheth / of here returnynge
That euerych shulde / an / C / knygħtis brynge
The bataylle to darreyne / as I ȝow told
1240
And to Athenes / here couenant for to hold
Hath euerycħ of hem / brougħt an / C / knygħtes
Wel armed for the werre / at alle rigħtes
And sekerly / there trowed many a man
That neuere sithen / þt the world bygan
1245
As for to speke / of knyghthod of here hond
As fer as god hath maked / see and lond
Nas of so fewe / so noble a companye
For euerych wygħt / þt loued cheualrye
And wold his thankes / han a passaūt name