The Summoner's Tale
Folio 89v
12 of 13 folios
Go lede hī to the detħ / I charge the
And happed as they wenten / by the weye
320
Toward the place / there he shuld deye
The knygħt cam / whicħ þt men wenden / had ben ded
Than thougħten they / it were the best red
To lede hem bothe / to the Iuge a geyne
They seiden lord / the knygħt ne hatħ nat slayne
325
His felawe / heere he stant hool a lyue
¶ Ȝe shuln be deede qd he / so mote I thryue
This is to seyn / bothe on two and three
And to the first knygħt / rigħt thus spak he
I dampned the / thow must algate be deed
330
And thow also / must Corrected from: <nothing> nedesnedes lese thyn hed
For thow art cause / why thy felawe deyetħ
And to the thridde knygħt / rigħt thus he seitħ
Thow hast nat do / that I comaunded the
And thus he dide / do slee hem alle three
335
¶ Irrous Cambises / was thus eke dronkelewe
And ay delited hī / to ben a shrewe
And so byfel / a lord of his meyne
That loued vertuous / moralite
Seide on a day / betwix hē two rigħt thus
340
A lord is lost / if he be vicious
And dronkenesse eke / is a foul recorde
Of any man / and namely in a lorde
There is ful many an eye / & many an ere
A waytynge on a man / he wot nat where
345
For goddis loue / drynketħ more attemprely
Wyn maketħ a man / to leese wrecchedly
Hys mynde / & eke hise lymes euerychone
¶ The reuers shalt thow se / qd he a none
And preeue it / be thyn owen experience
350
That wyn ne dotħ to folk Corrected from: <nothing> nono swicħ offence
There is no wyn / byreuetħ me my mygħt
Of hond ne foot / ne of myn eyen sigħt
And for despyt / he drank ful mechel more
An hundred part / than he had don byfore
355
And rigħt anon / this Irrous cursed wrecche
This knygħtis sone / let byfore hī fecche
Comaundynge hī / he shulde byfore hī stonde
And sodeynly / he tok his bowe in honde
And vp the stryng / he pulletħ to his Ere
360
And witħ an arwe / he slow the child rigħt there
Now wheither haue I / a syker hand or noone
Quod he / is al my mygħt / and mynde a gone
Hatħ wyn byreued me / myn eyen sigħt