The Tale of Sir Thopas
Folio 191r
5 of 6 folios
Of Romans þat bene Roials
And eke of loue longeinge
Thei fet him first þe swete wyne
& lykhirhers & eke Comyne
145
He dide next his white lire
Of Cloþe of lake fyne & clire
And next is schert an Aktoū
And ouer þat an haberioun
150
For perceynge of his herte
And ouere þat a fine hauberke
Was al y wrouht of Iewes werke
Ful stronge it was of plate
And ouer þat is cote Armor
155
As white as is a lely floure
In whiche he wole debate .
His schelde was al of gold so rede
And þere in was a bores hede
160
And þere he suore on ale & brede
That þe Gyant schulde be dede
His Iambes were of quereboly
His swerde scheþe of Ivory
165
His helme of Latoū briht
His Sadeƚƚ was of Ruel bone
His Brideƚƚ as þe sonne schone
His spere was of fine Cy\p/res
170
Þat bedeþ werre & no þinge pes
Thede ful scharpe y grounde
His sted was al dappel greye
Lo lordes myne here a fitte
Nowe haldeþ ȝoure mouþe par Charite
180
Boþe knyke & lady free
And herkeneþ to my spelle .