sinne ¶ And sinne putteþt a man in grete þtraldome ;
And þere for seiþe þe pro-
phete Ezechieƚ ; I. went sorweful in disdeine of my selfe ¶ Certes wele
ouht aman to haue disdeine of synne & wiþ drawe him fro þat þraldome &
velanie ;
70
And lo whatte seiþe Seneca in þis matier ; þouhe .I. wiste þat god
neyþere man ne sholde neuer knowe it ; ȝit wolde .I. haue disdeine for to do sinne .
¶ The same Seneca . seiþe .I. am borne to gretter þinges þan to be þraƚƚ to-
me bodye . More a þralle
may no man ne wōman make of his bodi þan ȝiue
his body to sinne ;
Awere it þe foulest cherle or þe foulest wōman þt leueþ
& leste of value ȝite is he chaunged & most foule & more in seruitute ;
Euer fro
þe hier degre þat a man falleþ þe more he is þraƚƚ ; And more vnto god & to þõ
werlde vile & abominable
75
¶ O good god wele ouht men haue disdeyne of
sinne ; seþen þat þoruhe sinne þere he was fre now is he maked bonde
¶ And
þere for seiþe seinte Austine . If þou haue disdeine of þi seruant if he a gilte
or synne ; haue þou þan disdeine þt þou þi self scholdest do synne ;
Take rewarde
of þine value þat þou ne be to foule to þine value ne to þi self
¶ Alas wele
ouhten þei þan to be seruant & þraƚƚ to sinne & sore biene a schamed of hem
self ;
þat god of his enles goodenesse haþ sette hem in hihe astate or ȝeuen
hem wiþ strenkeþ of body . hele beaute ; prosperite ;
80
& bouht hē fro deþ wt his
hert blode ; þat þei so vnkindely aȝeines his gentillesse whiten him so velens-
lye to slauhter of her owen sowles
¶ O goode god ȝe wemmen þat bien of
so grete beaute ; remembreþ ȝowe of þe prouerbe of Salomon . he seiþe
A fair
wōman þat is a fole of hir body ; is like to aringe of golde þat wereþ in þe
groyne of a sowe
¶ For riht as a sowe wroteþ in euery ordure ; So wroteþ
sche hir beaute in stinkeinge ordur of sinne
¶ The þred cause þat ouht
to meue aman to contricione ; is þõ drede of þe daie of dome & of þe orribles
peynes of heƚƚ
85
for as seint Ierom seiþe . Att euery time þat me remembreþ
of þe daie of dome .I. quake ;
For whan .I. ete or drink or do what so .I. do
euer semeþ me þat þe trompe souneþ in myne ere ;
Riseþ vpe þat bien-
dede & cōmeþ to þe Iugement
of god ¶ Muche ouht iche man to drede
suche a Iugement . þere as we sholne bue aƚƚ as seiþ seiþe seint Poule
Be forne þe strete of our lorde ihū crist .
wher as ȝe shal maake a general cō-
gregacioū wher as noman mai be absent ;
90
For certes þere ne availeþ
none assoyene ne excusacion ;
And not onely þat oure fautes schal bu
Iuged ; bot eke þat al oure werkes schal openli be knowe ;
And as seiþe
seint Bernarde . There ne schal no pledynge availe ne no sleiht ; we
scholne ȝeuen Rekenynge of euery Idel worde
¶ Ther schal we haue a Iuge .
þat maie nouht be deceyued ne corruppte ; And whi for al oure þouhtes
biene discouerde as to him ; ne for preier ne for meede he wil not be cor-
rupte
¶ And þere for seiþe Salomon . þe wraþþe of god wol nouȝt bue cor-
rupte ; And þerfor seiþ Salomon ; The wreche of god ne wil nouht spar
no wight for praier ne for ȝeft ; And þere fore att þe daie of dome þereis
none hope to escape ;
95
Wher fore as seiþe Anselme ¶ Ful grete anguysche
Scholne þe sinful folke haue att þat time