The Multitext Edition > London, British Library MS. Lansdowne 851
The Knight's Tale
Folio 12r
38 of 54 folios
Whilome was as holde stories tellen vs
There was a Duke þat hight Theseus
Of Athenes he was lorde & gouernoure
And in his time suche a conqueroure
5
That gretter was none vndere þe sonne
Ful Mony a riche Contre had he wonne .
What wiþ wisdome and his Chiualrie
He conquered al þe Regne of Femynye .
That whilom cleped was Scithia
10
And wedded þe qwone ypolita
An browht hire home wiþe him in to his contre
Wiþ muche glorie & grete solempnite
And eke hire ȝonge sustere Emelye
And þus wiþ victori & melodie
15
Latt .I. þis nobul Duc to Athenes ride
And aƚƚ his hoste in aremes be his side
And certes if it nere to longe to here
.I. wold haue told fully þe manere
How wonnen was þe Reigne of Femynye
20
By Theus & be his Chiualrrye
And of þe grete Bataile for þe nones
Be twixen Athenes & Amazones