The Multitext Edition > Aberystwyth, National Library of Wales MS. Peniarth 392 D
The Merchant's Tale
Folio 152v
30 of 30 folios
xxxht so a man / that longe hath blynd ybe
xe may nat sodeynly / so wel yse
First whan his sighte / is newe come ageyn
1160
As he þt hath / a day or two yseyn
Til þt your sighte / ysatled be a while
Ther may ful many a sighte yow bigile
Beth war I pray yow / for by heuene kyng
Ful many a man / weneth to se a thyng
1165
And it is al another / than it semeth
He þt mysconceyueth / he mysdemeth
And with that word / she lepte doun fro the tree
¶ This Ianuarie / who is glad but he
He kisseth hir / and clippeth hir ful ofte
1170
And on hir wombe / he stroketh hire ful softe
And to his Palays / hom he hath hir lad
Now goode men / I pray yow to be glad
Thus endeth here / my tale of Ianuarie
God blesse vs / and his moder Seinte Marie ~ Amen ~
¶ Here is ended the Marchantes tale / of Ianuarie