The Tale of Sir Thopas
Folio 205v
5 of 6 folios
145
He dede next his white leere
Of cloth of lake whyt and cleere
And next his schert an aketoū
And ouer þat an haberioun
150
For persyng of his hert
And ouer þat a fyn hauberk
Was al I wrought of Iewes werk
Ful strong it was of plate
And ouer þat his cote armour
155
As whyt as is a lily flour
His scheld was al of gold so red
And þer Inne was a bores heed
A charbocle by his syde /
160
And þer he swor on ale and bred
How þat þe geaunt schal be deed
His iambeux were of quirboily
His swerdes schethe of yuory
165
His helm of latoun brigħt
His sadel was of rowel boon
His bridel as þe sonne schon
170
That bodeth werre and no þing pees
The heed ful scharp I grounde /
His steede was al dappul gray
Hit goth an ambel in þe way /
NOw hold ȝour mouth for charite
180
Boþe knight and lady fre
Of batail and of chiualry