The Multitext Edition > London, British Library MS. Harley 7334
The Parson's Tale
Folio 286r
69 of 69 folios
and not to my wille þat wolde fayn haue sayd better if I
hadde coōnyng
¶ For þe book saith . al þat is writen for oure
doctrine is writen
1010
¶ For I biseke ȝow mekely for þe mercy of
god þat ȝe pay for me þat god haue mercy on me and forȝeue
me my giltes
and nameliche my tanslacioūs and of endityng
in worldly vanitees . whiche I reuoke in my retraccioūs
as is
þe book of troyles . þe book also of fame . þe book of . 29 . ladies
þe book of þe duchesses . þe book of seint valentines day and
of þe perliment of briddes . þe Tales of Caunturbury aƚƚ þilke
þat sounen in to synne
þe book Many of þe leo . and oþer
bokes if þay were in my mynde or remembraūce and many
a song and many a leccherous lay . Of þe whiche crist for his
grete mercy forȝiue me þe synnes
¶ But of þe tanslacioū of boce
de consolōu and oþer bokes of consolacer and of legend of lyues of
seintes and omelies and moralitees and of deuocioū .
1015
that
þanke I oure lord ihū crist and his moder and alle þe seintes
in heuen
bisekyng hem þat þay hennysforth vnto my
lyues ende sende me gace to biwayle my gultes and to studien
to þe sauacioū of my soule and gaunte me grace and space of
verray repentaūce . penitence . confessioū . and satisfaccioū . to
don in þis persent lif
þurgh þe benigne gace of him þat is king
of kynges and prest of alle prestis þat bougħt vs wiþ his
precious blood of his hert ;
So þat I moote be oon of hem
at þe day of doom that schal be sauyd . Qi cū pr~e