The Miller's Tale
Folio 185v
17 of 17 folios
605
I am thyn absalon myn derelyng
Of gold quod he I haue þõ brought a ryng
Myn modyr ȝaf it me so god me saue
Ful fyn it is & þerto wel I graue
This wele I ȝeuen þõ ȝif I þõ kysse
610
This Nicholas was resyn for to pysse
And thoute he wolde a mendyn al þõ Iape
He schulde kysse hese ars er þan he spake
And vp the wyndowe dede he hastyly
And out hese ars he puttyth pryuyly
615
Ouer the buttok / to þõ haūche bon
And þerwith spak this absolon
Spek swete brid I not where þu art
This Nicholas a non let flye a fart
As gret as it hadde ben a thondyr dent
620
And wt þõ strok he was almost I blent
And he was redy wt hese yryn hot
And Nicholas a mydde þõ ars he smot
Off goth the \skyn/ / an hande brede aboute
The hote cultyr / brende so hese toute
625
And for the smert he wende for to deye
As he were wod / for wo he gan to crye
Help watyr watyr / help for godys herte
This carpenter / out of hese slombir sterte
And herde on cryen / watyr as he were wod
630
And thoughte allas now comyth Nowel~~ flod
He sit hȳ vp wt / oute wordys mo
And wt hese ax / he smette the corde on to
Adoū he fel / he fond n\o thȳg/ to selle
Neyþer bred ne ale / Ne no thyng elle
635
Vp on the flor / & þere aswoūne he lay
Vp styrte here Alysoū & Nycholay
And cryedyn out / harrow in the strete
The neygheborys boþõ smale & grete
In rōne for to gauryn on þis man .
640
That ȝit a swoūne he lay boþõ pale & wan .