And nouȝt only þat oure defautes schullen ben y Iuged ¶ But eek þat aƚƚ
oure werkes schuln openly ben knowen
and as þat saiþ Seint bernard þer
¶ Ther schuln we haue a Iugge þat may nougħt be de-
ceyued ne corupt . and why ; For certes aƚƚ oure þoughtes ben discouered
as to him ne for prayere . ne for meede he wil not ben corrupte
¶ And þerfor
saith Salamō ¶ The wraþþe of god wol nougħt ben corrupte And þerfor
saith Salamō þe wreche of god ne wol nought spare no wight for praier
ne for ȝifte ¶ And þerfore at þe day of doom þer nys non hope to eskape
95
wherfore as seiþ Anselme ¶ Ful gret anguyssche schuln þe synful folk ha-
ue at þat tyme
¶ Ther schal be þe sterne and þe wroth Iuge sitte aboue
And vnder him þe orrible putte of helle to destruye him þat mot bykno-
we his synnes whiche synnes openly ben schewed byforn god and biforn
euery creature
and on þe lift syde moo deeueles þan þe herte may þinke
for to harye and drawe þe sinful soules to þe pyne of helle
and wt -
Inne þe hertes of folk schal be þe bytyng Conscience ¶ And wiþoute forþ
schal be þe world al brennyng
¶ Whider schal þenne þe wrecched synful
soule Flee to huyde him Certes he may nouȝt huyde him . he moste
come forþ and schewe him
100
For certes as saiþ seint Ier The erþe schal
caste him out of him and þe see also and þe aier also þat schal ben ful
of þondir clappes and lightenynges
Now soþly who so wol remembre him
of þese þinges ; I gesse þat his synnes schal nougħt turne him in to delyte
but to gret sorwe for drede of þe peyne of helle
and þerfore saiþ Iob to
god ¶ Suffre lord þat I may a while bywayle and wepe er I go and weepe
wiþouten retournyng to þe derke lande couered wiþ þe derknesse of deþ
to þe land of mysese and of derkenesse where as is schadewe of deth wher
as þer nys non oþer ordinaūce but grisly drede þat euer schal laste
¶ Lo
heere may ȝe seen þat Iob payede respite a while to bywepe and wayle
his trespas ¶ For sooþly oo day of respite is bettre þan aƚƚ þe tresour of
þis world
105
¶ And for as \muche as/ man may quyte himself biforn god by penitence
in þis world and nought by tresour ¶ Þ erfore schulde he preye to god to
ȝiue him respyt a while to byweepen and byweylen his trespas //
¶ For certes al þe sorwe þat a man mighte make fro þe Begynnyng
of þe world nys but alytel þing . at þe regarde of þe sorwe of helle
¶ The cause why þat Iob clepeþ helle þe lond of derknesse ;
vnderstond
þat he clepeþ it lande of erþe ¶ For it is stable and neuer schal faile ~
derknes ¶ For he þat is in helle haþ defaute of light material