The Knight's Tale
Folio 43v
2 of 63 folios
2195
That goode Arcite of Chiuallerie þe flour
Departed is wiþ duete and with honor
Out of þis foule pisoū of þis lyf
Why gruccheþ heere his cosyn and his wyf
Of his welfare þat loueþ him so wel
2200
Kan he hem þank . nay god woot neuer a deel
That boþen his soule and eek him offende /
And yet þei mowe her lustes nougħt amende
What may conclude of þis longe serie
But after wo I rede vs to be merye
2205
And þanken Iupit er of aƚƚ his gace
And er we departen from þis place
I rede we make of oure sorwes tuo
O parfyt ioye lastyng eu ermo
And lokeþ now where most sorwe is Inne
2210
Ther wol I ferst amenden and bygynne
Suster quod he þis is my ful assent
Wiþ aƚƚ þauys heere of my parlement
That gentil Palamou ȝoure oughne knigħt
That serueþ ȝou with wille and herte and migħt
2215
And euer haþ don Siþen ye ferst him knewe
That ȝe schull of ȝour grace vpon him rewe
And taken him for housbond and for lord
Lene me your hond for þis is oure acord
Lat see now of your wōmanly pite
2220
He is a kinges broþer sone perde
And þough he were a pore Bachiller
Syn he haþ serued you so many a yeer
And had for ȝou so gret aduersite /
It moste ben considered leeueþ me
2225
For gentil mercy oughte to passen right
Than seide he þus to Palamon þe knigħt
I trowe þer needeþ litel sermonyng
To make you assented to þis þing
Come nere and take ȝoure lady by þe hond
2230
Bitwixen hem was maad anon þe bond