The Knight's Tale
Folio 13r
62 of 63 folios
5
That grettere was non vnder þe sonne
Ful many a riche Contre hadde he wonne
What with his wisdam and his chiuallerie
He conquered aƚƚ þe regne of Feminie
That whilom was I cleped Scithia
10
And weddede þe queen ypolita
And broght hir hom wiþ him in his contre
With muche glorie and gret solempnite
And eek hir ȝonge suster Emelyxe
And þus with victorie and with melodie
15
Late I þis noble duk to Athenes ride
And aƚƚ his host in armes him bisyde
And certes if it nere to long to heere
I wolde haue tolde fully þe manere
How wonnen was þe regne of Feminie
20
By Theseus and by his Chiualrie
And of the grete bataille for þe noones
Bitwixen athenes and Amaȝones
And how asseged was Ipolita
The faire hardy quene of Scithia
25
And of þe fest þat was at hir weddyng
And of þe tempest at hir hom comyng
But al þat þing I moot as now forbere /
I haue god wot a large feeld to ere
And weyke ben þe oxen in my plough
30
The remnant of þe tale is long ynougħ
I wol not letten eek noon of þis route
Lat euery felawe telle his tale aboute
And lat se now who schal þe souper wynne
And þer I lafte I wil aȝein bigynne
35
This Duk of whom I make mencioū
Whan he was comen almost to þe toun
In aƚƚ his wele and his moste pryde
He was war as he cast his eyhe asyde
Wher þat þer kneled in þe heighe weye