The Friar's Tale
Folio 73r
10 of 11 folios
Sompned vn to your court in al my lif
Ne neuer I nas but of my body trewe
Vn to the deuel blak and rough of hew
Yeue I thi body and my panne also
325
¶ And whan the deuel herd hir curse so
Vpon hir knees he seyde in this manere
Now Mabely myn owne moder dere
Is this your wille in ernyst that ye seye
¶ The deuel quod she so fecche him or he deye
330
And panne and al but he wol him repent
¶ Nay old stot that is nat myn entent
Quod this sompnour for to repent me
For any thing that I haue had of the
I wold I hed thi smok and euery cloth
335
¶ Now brother quod the deuel be noght wroth
Thi body and this panne is myn bi ryght
Thow shalt with me to hel yit to nyght
Where thou shalt knowen of our pryuytee
More than a maister of diuinytee
340
And wyth that word the foule feend him hent
Body and soule he wyth the deuel went
Where as that sompnours han hir heritage
And god that made after his ymage
Mankynde saue and gyde vs al and some
345
And leue this sompnour good man to bycome .
LOrdynges I couth haue tolde yow quod this frere
Had I had leiser for this sompnour here
After the tixt of crist poule and Ioħn
And of our other doctours many on
350
Swich peynes that your hertes myght agryse
Al be it so no tonge may deuyse
Though that I myght a thousand wynter telle
The peyn of thilk cursed hous of helle
But for to kepe vs fro that cursed place
355
Waketh and preyeth Iħu for his gace
So kepe vs fro the temptour Sathanas
Herkeneth this word be war as in this cas