¶ Þe sones of þe doughtren schullen rebellen aȝeins fader
and mooder and kynredes aȝein kynrede and chyden and despisen euerich
of hem oþer boþe day and nigħt as god saiþ by þe propħe . Michias .
and þe
louynge children þt whilom loueden so fleissly euerich oþer ¶ Wolden euerich
of hem eten oþer if þay migħte
¶ For how scholde þey louen hem to gy-
dere in þe peynes of helle ¶ Whan þey hateden euerich of hem oþer in þe
prosperite of þis lyf
130
¶ For truste wel here fleisschly loue was deedly hate
as saiþ þe prophē . dd . ¶ Who so þat loueþ wikkednesse he hateþ his soule
¶ And who so hateþ his owen soule ¶ Certes he may loue non oþer wigħt in
no manere
¶ And þerfore in helle is no frendschipe ¶ But euer þe more fleisshly
kynredes þat ben in heƚƚ ; þe more cursyng . þe more chydyng and þe
more dedly hate þer is among hem
¶ And furþer ouer þey schullen haue
defaute of aƚƚ maner delites ¶ For why delices ben þe appetites of þe
.v. wittes ¶ As sigħt . heeryng . smellyng . Sauoryng . and touching .
but
in helle here sighte schal be ful of derknesse and of smoke and ful of
teeres and here heerynge ful of waymentynge and of gruntynge of
teeþ as saiþ ihū cist
135
here nose þrulles schuln ben ful of stynke ¶ And as
saiþ Isaye þe propħe ¶ Here sauorynge schal be ful of bitter galle
and
touching of here body ycouered wiþ fuyre þat neuer schal be quenched
And wiþ wormes þat neuere / schullen deyen as god saiþ by þe mouþ
of Isaye
¶ And for as moche as þey schuln nouȝt wene þat þey may
deyen for peyne and by here deþ flee fro peyne þat may þey vnderston-
de in þe word of Iob þat saiþ þer as is þe schadewe of deþ
¶ Certes
a schadewe haþ þe liknes of þe þing of which it is schadewe ¶ But
schadewe nys nought þe same þing of which it is schadewe
¶ Right
so fareþ þe peyne of helle hit is y like deþ for þe anguyssche orrible
And why ¶ For it peyneþ hem euere as þough men schulden deyen
anon But certes þey schuln nougħt deyen
140
¶ For as saiþ Seint Gre-
gory to wrecchede Caytyfs synful schal ben deþ wiþouten deþ and
ende wiþouten ende ¶ And defaute wiþouten faylinge
¶ For here deþ
schal alway lyue ¶ And here ende schal eueremore begynne . and here
defaute schal nougħt faile
¶ And þerfore saiþ S Ioħn euangelist ¶ They
schullen folwe deþ and þey schuln nougħt fynden him ¶ And þey desiren
to deye and deþ schal flee fro hem
¶ And eek Iob saiþ þat in helle is
non ordre of reule .
and al be it so þat god haþ created aƚƚ þing in rigħt
ordre and no þing wiþouten ordre ¶ But aƚƚ þinges ben ordeigned
and nombred ¶ Ȝet naþeles þey þat ben dampned ben no þing in ordre
ne holden non ordre